.png)
នៅតាមបណ្តាប្រទេសជាច្រើននៅជុំវិញពិភពលោក ជាពិសេសប្រទេសមានប្រាក់ចំណូលខ្ពស់ និងមធ្យម យើងឃើញថា រដ្ឋាភិបាលទាំងនោះអនុវត្តគោលនយោបាយសារពើពន្ធ ដោយយកពន្ធស្ទើរតែគ្រប់វិស័យ ដូចជាពន្ធលើប្រាក់ចំណូលរបស់ពលរដ្ឋ ក្រុមហ៊ុន សហគ្រាស អាជីវកម្ម និងអចលនទ្រព្យជាដើម។ ការយកពន្ធទាំងនេះ មានសារៈសំខាន់ ព្រោះវាអនុញ្ញាតឲ្យរដ្ឋាភិបាលមានធនធានទប់ទល់នឹងការចំណាយជាតិទូទៅ ដូចជាលើសេវាកម្មសាធារណៈ និងគម្រោងអភិវឌ្ឍក្នុងប្រទេសជាដើម។
ដោយឡែក នៅកម្ពុជាដែលជាប្រទេសមានប្រាក់ចំណូលមធ្យមកម្រិតទាបមួយ គោលនយោបាយសារពើពន្ធ និងការអនុវត្តគោលនយោបាយនេះ មានសភាពថ្មីថ្មោងដែលកំពុងឆ្លងកាត់កំណែទម្រង់នានា ដើម្បីធ្វើយ៉ាងណាឲ្យរដ្ឋាភិបាលបានប្រាក់ចំណូលច្រើនពីការប្រមូលពន្ធ។ សំខាន់ តើកម្ពុជាគួរធ្វើអ្វីខ្លះ ដើម្បីអនុវត្តគោលនយោបាយពន្ធដារមួយ ដែលផ្តល់ផលប្រយោជន៍ដល់ទាំងរដ្ឋ និងទាំងពលរដ្ឋ នាពេលអនាគត?
ស្តាប់ភាគទី ៦ លើបណ្តាញ Apple Podcasts និង Google Podcasts
VOA បានបង្កើតកម្មវិធីផតខាសថ៍ថ្មីមួយឈ្មោះ «កម្ពុជាសម្លឹងទៅមុខ ឬ Envision Cambodia» ដែលជាកិច្ចពិភាក្សាស៊ីជម្រៅជាមួយអ្នកស្រាវជ្រាវ និងអ្នកនិពន្ធ១៦នាក់ ក្នុងកម្រងសៀវភៅបីក្បាល ក្រោមចំណងជើងថា៖ «កម្ពុជាឆ្នាំ ២០៤០ ឬ Cambodia 2040»។
VOA បានសហការជាមួយ វេទិកាអនាគត Future Forum ដែលបានបោះពុម្ពផ្សាយកម្រងសៀវភៅ «កម្ពុជាក្នុងឆ្នាំ២០៤០ ឬ Cambodia 2040» នេះ ដើម្បីនាំមកនូវការប្រមើលមើលពីស្ថានភាពប្រទេសកម្ពុជាក្នុងឆ្នាំ ២០៤០ ដោយផ្តោតលើប្រធានបទសំខាន់ៗ ដូចជា ការអភិវឌ្ឍ សេដ្ឋកិច្ច វប្បធម៌ សង្គម គោលនយោបាយ វិស័យការបរទេស និងអភិបាលកិច្ចជាដើម៕
Comentários